Qvardiola ilə Fergüsonu müqayisə etdi

Tarix: 7 Yanvar 2020 17:08

“Mançester Yunayted”in baş məşqçisi Ole- Qunnar Sulşer “Mançester Siti”nin çalışdırıcısı Pep Qvardiola ilə “qırmızı şeytanlar”ın sabiq baş məşqçisi Aleks Ferqgüsonu müqayisə edib.

Qol.az Britaniya mətbuatına istinadən xəbər verir ki, norveçli mütəxəssis Pepin Premyer Liqadakı ən yaxşı məşqçi olmadığını deyib:

“Qvardiolanın Premyer Liqada çox böyük təsirinin olduğunu söyləyəməliyəm. “Barselona”da işləməyə başlayandan sonra onun çalışdırıdığı bütün komandalara heyran qalmışam. Ancaq bunu deməliyəm ki, mənim oynadığım vaxt işləyən baş məşqçi Aleks Fergüson Premyer Liqadakı ən yaxşı çalışdırıcı idi. Qvardiola tarixin ən yaxşı mütəxəssislərindən biridir. Biliklərini haradan aldığını da görə bilərsiniz. Sağkən Yohan Kroyf ilə tanış olmaq şərəfinə nail oldum. İkisi arasındakı bənzərliyi görə bilərsiniz. Qvardiolanın vaxtı ilə Fergüsonun dövrü arasında fərq var. “Mançester Siti”nin sahibi dəyişəndə hədəflərinin böyük olduğu məlum idi. Pepin komandasına heyranam. “Mançester Yunayted” isə bizə görə hələ də dünyanın ən yaxşı komandalarından biridir”.

Qeyd edək ki, A.Fergüson 1986-2013-cü illərdə “Mançeaster Yunayted”ə baş məşqçilik edib. Pep Qvardiola isə 2016-cı ildən “şəhərlilər”i çalışdırır.