Aktual mövzular: Dollar alış-satışı, Neftin qiyməti, COP29, Hava proqnozu

BŞPİ: Müğənni Kərimə hücum edən şəxs müəyyən edilib və polis deyil

BŞPİ: Müğənni Kərimə hücum edən şəxs müəyyən edilib və polis deyil

Tarix: 21 May 2019 17:02

Bakı. Samir Əli - Trend:

Bakıda müğənni Kərim Abbasova hücum edən şəxsin polis əməkdaşı olması barədə yayılan məlumat həqiqəti əks etdirmir.

Bu barədə Trend-ə Bakı şəhər Baş Polis İdarəsinin mətbuat xidmətinin rəhbəri, polis mayoru Elşad Hacıyev məlumat verib.

E.Hacıyev bildirib ki, araşdırmalar zamanı Kərim Abbasova müraciət edən şəxsin Bakı şəhəri, Nəsimi rayon sakini, 1984-cü il təvəllüdlü Elvin Ramazanov olduğu müəyyən edilib.

Həmin şəxs Binəqədi rayon Polis İdarəsinə dəvət edilərək izahatı alınıb. Müəyyən edilib ki, həmin şəxs polis orqanlarında çalışmayıb və mülki vətəndaşdır. Hazırda faktla bağlı Binəqədi rayon Polis İdarəsinin təhqiqat şöbəsində təhqiqat-araşdırmaları davam etdirilir.

Xatırladaq ki, müğənni Kərim Abbasov sosial şəbəkədə qeyd edib ki, ailəsi ilə bağlı bağ evindən qayıdarkən küçədə tanımadığı şəxs özünü polis əməkdaşı kimi təqdim edərək ona yumruq zərbələri endirib. K. Abbasov hadisə barədə Daxili İşlər Nazirliyinin "102" xidmətinə məlumat verib.

Trend-in ən mühüm və maraqlı xəbərlərini "Telegram"da izləyin


Etiketlər:  BŞPİ Müğənni Kərimə hücum edən şəxs müəyyən edilib polis deyil


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ