Aktual mövzular: Dollar alış-satışı, Neftin qiyməti, COP29, Hava proqnozu

Avtomobildən 1,5 ton narkotik aşkarlandı – İranda

Tarix: 3 Iyun 2019 13:48

Bakı. Elnur Bağışov - Trend:

İranın cənub-şərqində Sistan və Bəluçestan vilayətinin keçirilən iki əməliyyat nəticəsində 2 avtomobildən 1,5 ton narkotik maddələr aşkarlanıb.

Trend-in məlumatına görə, bunu İranın Sistan və Bəluçestan vilayəti hüquq-mühafizə orqanının rəisi Məhəmməd Qənbəri polis informasiya portalına verdiyi açıqlamada deyib.

M.Qənbərinin sözlərinə görə, Xaş və İranşəhr rayonlarında əməliyyatlar keçirilib. O, bir avtomobildən 874 kq-dan, digər avtomobildən isə 669 kq-dan çox tiryəkin aşkarlandığını deyib.

Narkotik qaçaqmalçılarından 1 ədəd odlu silah (Kalaşnikov) və sursat götürülüb, 3 qaçaqmalçı saxlanılıb.

Trend-in ən mühüm və maraqlı xəbərlərini "Telegram"da izləyin

Whatsapp ilə göndər