Aktual mövzular: Dollar alış-satışı, Məzənnə, Neftin qiyməti

Seul KXDR-ya xüsusi elçilər göndərmək istəyib, lakin Pxenyan imtina edib

Seul KXDR-ya xüsusi elçilər göndərmək istəyib, lakin Pxenyan imtina edib

Tarix: 17 Iyun 2020 05:32

Bakı. Trend:

Cənubi Koreya iyunun 15-i Koreya Xalq Demokratik Respublikasına (KXDR) xüsusi elçilər göndərmək istəyini bildirib, lakin Pxenyan bundan imtina edib.

Trend-in "TASS"a istinadən verdiyi xəbərə görə, bu barədə Koreyanın Mərkəzi Teleqraf Agentliyinin məlumatında deyilir.

Məlumatda bildirilir: "Qətiyyətli hücumumuzdan təşvişə düşən Cənubi Koreya, prezident Mun Çje İnin Dövlət Şurasının sədrinə xüsusi elçilər göndərmək niyyəti barədə açıqlama verib. Koreya Əmək Partiyası Mərkəzi Komitəsinin şöbə müdirinin birinci müavini Kim Yo Çjon bəyan edib ki, bu qeyri-səmimi təklifi tamamilə rədd edir".

Agentlik qeyd edib ki, Cənubi Koreya hakimiyyəti Pxenyana xüsusi elçilər qismində ölkənin Milli Təhlükəsizlik Şurasının sədri Çon Iy Yon və Milli Kəşfiyyat İdarəsinin rəhbəri So Xunanı göndərmək istəyib.

Bildirilir ki, KXDR hakimiyyəti Cənubi Koreyanın "düşünülməmiş təklifindən" narazıdır, çünki Seulun koreyalararası münasibətlərdəki mövcud vəziyyəti düzgün dəyərləndirmədiyini hesab edir: "Siz daha çox təkliflər edəcəksiniz, amma bilməlisiniz ki, bu artıq işləməyəcək".


Etiketlər:  Seul KXDR ya xüsusi elçilər göndərmək istəyib lakin Pxenyan imtina edib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ