Aktual mövzular: Dollar alış-satışı, Neftin qiyməti, COP29, Hava proqnozu

Başqırdıstanda baş vermiş yanğın zamanı 11 nəfər ölüb

Tarix: 15 Dekabr 2020 07:26

Başqırdıstanın İşbuldino kəndində qocalar evində baş vermiş güclü yanğın zamanı 11 nəfər ölüb.

Sonxeber.net APA-ya istinadən xəbər verir ki, bu barədə Rusiya Federsiyasının Fövqəladə Hallar Nazirliyinin mətbuat xidmətindən bildirilib.

Məlumata görə, yanğınsöndürənlər yanğın söndürüldükdən sonra hadisə yerində 11 nəfərin cəsədini aşkar ediblər.

"Moskva vaxtı ilə 00:53-də Başqırdıstanın Abzelilovski rayonunun İşbuldino kəndindəki Kizilskaya küçəsində yanğın olması barədə məlumat daxil olub. Yanğın yerində əməliyyat zamanı 11 nəfərin cəsədi tapılıb", - məlumatda belə deyilir.

Məlumatd bildirilir ki, yanğın 162 kv/m ərazisi olan özəl bir pansionatda qeydə alınıb. Dörd nəfər sərbəst olaraq binanı tərk edibi. Moskva vaxtı ilə saat 04:00-da yanğın söndürülüb.

Hazırda yanğının səbəbləri araşdırılır. Başqırdıstan prokurorluğunda hadisə ilə bağlı cinayət işi başlanılıb.

Whatsapp ilə göndər