Aktual mövzular: Dollar alış-satışı, Məzənnə, Neftin qiyməti

İspaniyada limanda 8 ton kokain tapılıb

Tarix: 12 Fevral 2024 22:18

İspaniyanın hüquq-mühafizə orqanları Alxesiras limanında (Əndəlus muxtar icması) konteynerlərdən birində 8 ton kokain aşkar ediblər.

Milli.Az report-a istinadən xəbər verir ki, bu barədə EFE agentliyi məlumat yayıb.

Məlumata görə, hüquq-mühafizə orqanlarının əməkdaşları istintaq zamanı İspaniyada narkotik vasitələrin əldə edilməsinə görə məsul olduğu güman edilən bir şəxsi saxlayıblar. Həmçinin daha iki nəfər barəsində cinayət işi açılıb.

Qeyri-qanuni yük İspaniyaya Surinamdan gəlib. Kokain narkotiklərin skaner tərəfindən aşkarlanmasının qarşısını almaq üçün xüsusi olaraq hazırlanmış metal konstruksiyaya yerləşdirilmiş halda olub.

Milli.Az

Whatsapp ilə göndər