Aktual mövzular: Dollar alış-satışı, Məzənnə, Neftin qiyməti

Azərbaycanın tanınmış güləşçisi Rusiyada həbs edildi - FOTO

Azərbaycanın tanınmış güləşçisi Rusiyada həbs edildi - FOTO

Tarix: 27 Fevral 2024 15:38

Azərbaycanın sabiq yunan-Roma güləşçisi Cabbar Yusifi Rusiyada 3 il 2 ay müddətinə azadlıqdan məhrum edilib.

Milli.Az oxu.az-a istinadən bildirir ki, bu barədə Moskva şəhərindəki Basmannı məhkəməsi qərar çıxarıb.

O, qanunsuz olaraq odlu silah, onların əsas hissələrini, döyüş sursatı satmaqda təqsirli bilinib.

Qeyd edək ki, Cabbar Yusifi 2023-cü ilin martında saxlanılıb. İdmançı qaçmaq istədiyi üçün polislər atəş açmağa məcbur qalıblar. Yoxlama zamanı məlum olub ki, saxlanılan şəxs İnterpolun axtarışında olan Cabbar Yusifidir. Rusiya onu qanunsuz silah saxlama, Ukrayna qəsdən adam öldürmə ittihamı ilə axtarıb. Həmin vaxt güləşçinin üzərində tapança aşkarlanıb.

Xatırladaq ki, Cabbar Yusifi daha əvvəl Yeniyetmələrin Olimpiya Oyunlarında yunan-Roma güləşi üzrə Azərbaycan millisinin heyətində çıxış edib.

Milli.Az


Etiketlər:  Azərbaycanın tanınmış güləşçisi Rusiyada həbs edildi FOTO


RƏYLƏR



Populyar Xəbərlər

XƏBƏR LENTİ