Aktual mövzular: Dollar alış-satışı, Neftin qiyməti, COP29, Hava proqnozu

''Lazım gələrsə ön cəbhədə də vuruşaram'' - FOTO

Tarix: 18 Iyul 2020 14:52

Mənfur düşmənimizin silahlı qüvvələrinin törətdiyi təxribat nəticəsində, şəhid verdiyimiz üçün çox üzülürəm. Ulu babalarımızın bizə əmanət etdiyi vətənimizi qorumaq üçün lazım gələrsə, döyüşməyə hazıram.

Sonxeber.net axşam.az-a istinadən bildirir ki, bu sözləri Əməkdar artist Mehriban Xanlarova deyib. Aktrisa bildirib ki, ötən gün o da Səfərbərlik və Hərbi Xidmətə Çağırış üzrə Dövlət Xidmətindən qeydiyyatdan keçib:

"Bir Azərbaycan vətəndaşı olaraq, tarixi torpaqlarımızı işğaldan azad etmək üçün lazım gələrsə ön, lazım gələrsə arxa cəbhədə xidmət etməyə hazıram. Müraciətimi rəsmiləşdirmək üçün qeydiyyatdan da keçdim.

Vətənimiz və bizim uğurumuzda canından keçən igid övladlarımızın, şəhidlərimizin ruhu qarşısında baş əyirəm".