Aktual mövzular: Dollar alış-satışı, Neftin qiyməti, COP29, Hava proqnozu

Ermənistan Azərbaycanla sərhəddə ''səlibçi'' bayraqlarını endirdi - VİDEO - FOTO

Tarix: 1 Noyabr 2024 14:52

Ermənistanın Azərbaycanla sərhəddə üzərində səlibçi xaçının əks olunduğu bayraqlar qaldırdığı barədə məlumat vermişdik.

Sonxeber.net APA-ya istinadən bildirir ki, bu il oktyabrın 8-də yayılmış məlumatda bildirilirdi ki, Ermənistanın dövlət sərhədində qaldırdığı bayraqların üzərində səlibçi xaçları aydın görünür.

Xəbərdə üzərində xaç olan bayraqların qaldırıldığı əks olunmuş foto və video da təqdim olunmuşdu.

Xaçlı bayraqlar Gorusun Şurnuxu və Vorotan kəndlərində qaldırılmışdı.

Əldə olunan məlumata görə, dünən saat 17-18 radələrində erməni tərəfi Vorotan kəndi ərazisinə qaldırıcı kran gətirib, üzərində xaç olan bayrağı endirib, yerində Ermənistanın üzərində xaç olmayan dövlət bayrağını qaldırıb.